Английн премьер лигийн 19 дүгээр тойргийн сүүлийн тоглолт өнгөрсөн шөнө явагдлаа. Лондоны Тоттенхем Эвертоны талбайд зочилж 6:2-оор ялсан юм.
Ингэснээр Лондоны баг цомын төлөөх өрсөлдөөнд нэгдэж байна. Тоглолтын эхний гоолыг 21 дэх минутад Ричарлисоны дамжуулалтаар Тёо Уолкотт оруулсан юм. Гэсэн ч Сон Хён Мин Жордан Пикфордын алдааг ашиглаж тэнцээний гоолыг оруулсан. Тэрбээр хоёрдугаар үеийн 61 дэх минутад хоёр дахь гоолоо бүртгүүлсэн юм.
Сон Тоттенхэм клубийн төлөө премьер лигийн 115 тоглолтод оролцохдоо 35 гоол оруулж 16 гоолын дамжуулалт өгөөд байна.
Тоттенхемээс энэ өдөр Деле Али, Харри Кейн, Кристиан Эриксон нар гоол оруулжээ. Тоттенхем 42 оноотой хүснэгтийн гуравдугаарт бичигдэж байна.
Харин зургаа дахь ялагдлаа хүлээсэн Эвертон арваннэгдүгээрт бичигдэж байгаа юм.
О.ДАШ
