Ливерпүүл 3:1-ээр хожигдсоны дараа Манчестер Юнайтедийн эзэд Жозед " цэг" хатгалаа. Түүний оронд Норвег эр Оле Гуннарыг энэ улирлыг дуустал ажиллуулах гэрээг байгуулж, ажилд нь оруулав. Эхний тоглолтдоо Кардиффыг 5:1-ээр бут ниргэж, Манчестер Юнайтед иргэн ирлээ гэдгээ бусдадаа дуулгалаа. Дөнгөж данган тэнцэж, эсвэл 1:0 -ээр хожиж ирсэн МЮ тавын таван гоол шигтгэлээ. Бүр айлын талбайд шүү.
1996 оноос Манчестер Юнайтед багт довтлогчоор тоглосон. Сэлгээгээр ороод хамгийн олон гоол оруулсан дээд амжилтыг эзэмшдэг. 4 гоол. Тэрбээр МЮ-ыг удирдаж эхэлсэн анхны тоглолтоороо хөгжөөн дэмжигчдээ баярлууллаа. Баг нь ч түүнийг талархан угтсанаа илэрхийлж, 5 гоол, гялалзсан амжилтаар бэлэг барилаа. Энэ бол Моуринод илгээсэн " бэлэг" болов.
Энэ тоглолтод гол үүрэг гүйцэтгэсэн Погба баяраа нууж чадахгүй байна. Тэр таарамжгүй байсан Жозед энэ хожлоороо хариу барилаа. - Жозе мундаг. Түүнтэй хамт Европа лигийн цом, Карабао-гийн цомыг өргөсөн. Гэвч энэ хангалтгүй. Бид Премьер Лигт амжилт үзүүлмээр байна. Аваргуудын Лигт сайн тогломоор байна. Одоогийн эзэлж буй 6-р байрнаасаа урагшилж эхний 3-т байраа эзэлмээр байна. Түүний тулд хожил, хожлын 3 оноо хэрэгтэй. Энэ удаа 5:1-ээр хожлоо. Дээшлэхийн тулд бидэнд олон гоол оруулах, хожих, хожлын оноог хэрэгтэй. Моурино бол сайн байсан. Гэхдээ л гэж Моуриногийн тухай хэлээд амжив.
Тэд одоо анхаарал татаж эхлэв. Ойрын хугацаанд тоглох 4 тоглолтын хуваарь. Н.САЙНБИЛЭГ
