Он гараад бид Ливерпүүлтэй учирна. Тэд биднээс 7 оноогоор тасарсан. Ням гарагт бид Боурнмонфыг хожиж чадаагүй аваас тэднийг хөөж гүйцэхгүй нөхцөлд хүрэх байлаа. Бид ч, тэд ч хожлоо авсан. Яг одоо бол бидэнд оноо алдах эрх байхгүй. Ялангуяа Ливерпүүлийн эсрэг тоглолтонд. Тэгвэл бид ойртох нөхцөлөө алдана. Тиймээс 2019 оны 1-р сарын 3-ны тоглолт бол бидний хувьд онцгой тоглолт. Ливерпүүл гайхалтай формтой байгааг хэлье. Тэд ганц нэг оноо алдах байх. Гэтэл тэд бусдаас оноогоор тасарсан. Бидний хувьд нэг зүйлийг дахин хэлье. Ямар ч тохиолдолд оноо алдах эрхгүй. Ийм зарчмаар бусад тоглолт ч үргэлжлэх болно.
Өнгөрсөн улиралд МС багаа аварга болгосон. Аваргын замд ганц л баг хөндөлссөн. Тэр бол Ливерпүүл байсан. Өөрийн талбай дээрээ 4:3-аар тэд хожсон. Тэгвэл энэ удаа нөхцөл байдал эргэжээ. Ливерпүүл хүснэгтийг тэргүүлж, харин МС нэхэгчийн байр сууринд шилжсэн. Талбай дээрээ хүлээн авна. Фэнүүд нь ч гэсэн багаа дэмжихээр ирнэ гэдгээ илэрхийлээд байна.
Н.САЙНБИЛЭГ
