Английн Премьер Лигт 32 гоол оруулж "Алтан шаахайн" эзнээр тодорч, Ливерпүүл багийг Аваргуудын Лигийн финалд хүргэсэн гавьяа зүтгэлийн ихэнх хувь нь Мо.Салахад оногддог. Түүний төлөө европын том багууд үнэ хаялцахад бэлэн байсан. Гэтэл Аваргуудын Лигийн финалд түүний мөр бэртсэн.
Дэлхийн АШТ-д Египтийн баг олигтой тоглолт үзүүлээгүй. Дээр нь Лигийн эхний 7 тоглолтонд нэг ч гоол оруулаагүй нь түүнд эргэлзэх сэтгэгдэл төрүүлсэн байдаг. Тэгвэл Салах эргээд формондоо орсон. Сүүлийн тоглолт бүрт гоолдож, одоо 13 гоолтойгоор мэргэн буучдын жагсаалтын тэргүүн эгнээнд жагсаж буй. Хүснэгтийг тэргүүлж буй 14 гоолтой Кайне, Аубумяанг нараас ганцхан гоол дутуу болж ирсэн. Энэ бүхэн нь Мохаммед Салахыг сонирхох нөхцөлийг бүрдүүлж эхлэв. Испанийн Барса, Реал Мадрид зэрэг багууд түүний төлөө хаях мөнгөө бэлдэж эхэлсэн байна. Харин Ливерпүүл яаж Салахыг авч үлдэх вэ? Гэдэгт тархи толгойгоо гашилгах цаг иржээ. Яагаад гэвэл, -Барса, Реал Мадрид багуудад тоглоно гэдэг хөлбөмбөгчин бүрийн мөрөөдөл гэж М.Салах нэгэнтээ хэлж байсан. Тиймээс Ливерпүүл Салахыг тогтоож чадах болов уу? гэдэг Клоппын асуудал болжээ.
Э.ОТГОНЖАРГАЛ
