Монголын бодибилдинг, фитнессийн холбооны 28 дахь удаагийн “Монголын мистер-2019” тэмцээн амжилттай болж өндөрлөлөө.
Энэ удаагийн тэмцээнд 54 клубын нийт 180 тамирчин 23 ангилалд өрсөлдсөн юм. 2019 оны шилдгээр тус тэмцээний 2013, 2014 оны мистер Э.Ганзориг шалгарч, гурав дахь удаагаа аваргаллаа.
Тэрбээр тэмцээний хамгийн хүнд жин болох эрэгтэй бодибилдинг ангиллын 85кг-ийн жинд эхлээд Монгол Улсын дөрвөн удаагийн мистер Д.Бат-эрдэнэ, шилдэг тамирчин Г.Батнасан нарыг ялсан юм.
Улмаар үнэмлэхүй аваргын төлөө А.Баатар Ш.Жамц Д.Энх-эрдэнэ, Мөнх-эрдэнэ Ч.Мянганбилэг гэсэн жингийн зөрүүтэй тамирчидтай өрсөлдөж, алтан медалийн болзол хангажээ.
О.ДАШ