Италийн супер цомын төлөөх тоглолт өнөөдөр Саудын Араб улсад Исламын ертөнцийн ариун хотуудын нэг гэгдэх Жедда хотын 62.600 хүний суудалтай King Abdullah Sports City цэнгэлдэхэд болно.
Италийн супер цомын төлөө АС Милан болон Ювентус клубууд тоглох бөгөөд анх 1988 оноос уг тэмцээн эхэлсэн түүхтэй. АС Милан, Ювентус багууд тус бүр долоо түрүүлсэн үзүүлэлтээр бусад багуудаа манлайлдаг.
Ювентус 2012 оноос хойш Супер цомд дараалан финалдаж байгаа бөгөөд 2014 онд Наполи, 2016 онд Милан, 2017 онд Лациод хожигдсон байна.
Тус хоёр баг өмнө нь хоёр удаа аваргын төлөө тоглосон ба 2016 онд 1:1 харьцаагаар тэнцэж торгуулийн цохилтоор Милан хожиж байсан түүхтэй.
О.ДАШ