Батлан Хамгаалах Яамны харьяа "Алдар" спорт хорооны аварга шалгаруулах барилдаанд улсын харцага Б.Одгэрэл, Б.Бат-Өлзий, Ш.Мөнгөнбаатар нараар магнайлуулсан хүчит 64 бөх уран мэхийг уралдуулж хүчийг үзэн барилдлаа.
Уг барилдаанд Ховд аймгийн Зэрэг сумын харьяат, ЗХ-ний 034-р ангийн бөх дэслэгч улсын харцага Б.Бат-Өлзий түрүүлж, Өвөрхангай аймгийн Хужирт сумын харьяат ЗХ-ний 120-р ангийн бөх дэслэгч улын начин Ц.Чимиддорж үзүүрлэжээ.
Бөхийн барилдааны их шөвөгт ЗХ-ний 337-р ангийн бөх ахмад улсын харцага Б.Одгэрэл, ЗХ-ний 034-р ангийн бөх аймгийн арслан Х.Цогтгэрэл нар шалгарлаа.
Дунд шөвөгт Сэлэнгэ аймгийн Баянгол сумын харьяат улсын начин Ч.Баянмөнх Ховд аймгийн Дарви сумын харьяат аймгийн арслан Б.Тайван аймгийн харцага Сосорбарам аймгийн нэмэх начин М.Амарсанаа нар шалгарлаа.
Өнгөрсөн жил Алдарын аварга шалгаруулах барилдаанд улсын харцага Б.Одгэрэл түрүүлж байсан юм.
.jpg)
О.ДАШ
