Билгийн тооллын 17-р жарны урвуулагч хэмээх шороон Гахай жилийн сар шинийн баярт зориулсан сумын цолтой болон залуу бөхчүүдийн барилдааныг Монголын үндэсний бөхийн холбоо, Хавдрын эсрэг үндэсний зөвлөлтэй хамтран Монгол бөхийн өргөөнд амжилттай зохион байгууллаа.
Барилдаанд 320 бөх уран мэх, авхаалж самбаа сорин барилдсанаас Өвөрхангай аймгийн Төгрөг сумын харьяат, Их монголын хүчтэн дэвжээний бөх, сумын заан Цэдэнсодномын Бямба-Отгон 9 даван түрүүлж, Ховд аймгийн Манхан сумын харьяат, Ховд дэвжээний бөх, сумын заан Б.Даваадалай 8 даван үзүүрлэлээ.
Их шөвөгт Баянхонгор аймгийн Жаргалант сумын харьяат, сумын баяр наадамд 5 удаа түрүүлсэн манлай заан Э.Совджамц, Хэнтий аймгийн Өмнөдэлгэр сумын заан Даваасүрэнгийн Алтанцоож нар шалгарав. Уран барилдааны тусгай шагналыг Архангай аймгийн Батцэнгэл сумын харьяат, сумын заан Э.Түмэндэмбэрэлд гардуулав. Ховдын Б.Даваадалай сумын цолтнуудын барилдаанд дөрөв дэх удаагаа үзүүрлэж буй нь энэ юм.
.jpg)
О.ДАШ
