Күн Агуэро хет трик хийж багийнхаа ээлжит ялалтыг тэмдэглэлээ. Тэд Английн Премьер Лигийн аваргын ѳрсѳлдѳѳнд хэвээр үлдсэн гэдгээ ийнхүү баталлаа.
МС-г маш чухал 3 оноогоо халааслах зуур ПЛ-ийг хошуучилж буй Ливерпүүл 1:1 Лэйстэрси тэнцэж дѳнгѳж 1 оноо авлаа. Ингэснээр саяхан л 7 оноогоор тасрах боломжоо алдсан Ливерпүүл 3 -хан оноогоор МС-ээс илүү гарлаа.
Германы Дортмунд багийг 2 удаа аваргын титэм ѳѳд хѳтѳлсѳн Клопп,- Сандрах зүйлгүй. Дарамт ч үүсэхгүй. Бид яг л ингэж явсаар Германы аварга болж байсан. Бусад баг яах нь бидний асуудал биш. Бид л ѳмнѳѳ тавьсан зорилгоо алхам тутамдаа биелүүлэх учиртай. Тиймээс сэтгэл зүйн хувьд элдэв дарамтанд ѳртѳѳгүй, ѳртѳх ч үгүй гэж хэллээ.
- Бид хожлоо гээд санаа амар суудаггүй. Алдаа, сул талаа судалдаг. Хожигдвол бүр илүү нягталдаг. Бид Ливерпүүлд ойртсон. Ганц хожил, ганц хожигдол биднийг салгаж байна. Ганц хожил ямар үнэтэй вэ? гэдгийг Премьер Лиг санууллаа. Үүгээрээ Премьер Лиг бусад Лигээс ялгаатай. Бидэнд боломж бий. Алдаа бүрээ багасгах нь амжилтын түлхүүр байх болно гэж Пеп Гвардиолла хэллээ
Н.САЙНБИЛЭГ