Английн цомын аваргын төлөөх 5-р тойргийн тоглолтонд Английн хөлбөмбөгийн хоёрдугаар дивизоны Невпорт багийг 4:1-ээр хожиж шигшээ наймд шалгарлаа. Өмнөх тоглолтонд Английн топ багийн нэг Челсиг Премьер Лигт 6:0-ээр хожсон.
Энэ долоо хоногт Герман улсыг зорьж Шалькетэй Аваргуудын Лигийн ээлжит тоглолтоо хийнэ. Энэ бол хөлбөмбөг. Челсиг 6:0-ээр хожсон ч тоглолт амар хялбар байгаагүй. Эхний 3 дахь минутанд гоолдсоноор Челсигийн хаалтыг сэт цохисон.
Тун удалгүй эхний 25 минутанд 4 гоолыг Челсигийн хаалганд шигтгэсэн. Тэгснээрээ бид Английн Премьер Лигийн аваргын төлөөх өрсөлдөөнөө хадгалсан. Невпортыг 4:1-ээр хожсон. Гэхдээ л тэд эхний гоолыг оруулах дөхсөн. Хаалгач маань л бөмбөгийг эцсийн мөчид холдуулж чадсан. Тэр гоол орсон бол байдал эргэх байсныг үгүйсгэхгүй. Бидний 2 гоолын хариуд тэд 1 гоол оруулсан. Үнэндээ тэд хоёрдугаар дивизоны баг гэж санахын аргагүй тэмцэл үзүүлсэн.
Энэ Лхагва гарагт Аваргуудын Лигийн хасагдах шатны тоглолтоо Германы Шалькегийн эсрэг хийнэ. Гурван өөр талбарт, гурван өөр түвшний багтай нэгэн зэрэг тоглож байна. Энэ л хөлбөмбөг юм. Манчестер Сити гурван цомын төлөө өрсөлдөөнөө үргэлжлүүлж байна.
Э.ОТГОО