Монголын ширээний теннисний холбооны 13 дахь Лигийн АШТ-ний эхний тойргийн 3 тоглолтын дараахь байдлаар Баярмагнай ахлагчтай "Өсөх зоос" баг Лигийг нэг ч хожигдолгүй тэргүүлж байна. 2,3,4-р байрыг Лхагвасүрэн ахлагчтай " Хаан даатгал", Энх-Амгалан дасгалжуулагчтай "Тэнгис синема", Мөнхзориг ахлагчтай "Цэгц" баг тус бүр хоёр хожилтойгоор хуваан эзэлж байна. Одоогоор "Бласт" , "МУБИС" багууд нэг ч хожилгүйгээр сүүл мушгиж явна.
.JPG)
Улсын хошой аварга Б.Баярмагнайн "Өсөх зоос" баг эхний 3 тоглолтоо дараалан хожиж, шигшээ 4-д үлдэх магадлалаа өсгөлөө.
Харин улсын 4 удаагийн аварга Э.Лхагвасүрэнгийн "Хаан даатгал" баг " Өсөх зоос"-д 4:5-аар хожигдсон ч, "Тэнгис синема" хүчирхэг багийг 5:4-ээр буулган нөхцөл байдлаа дээрдүүлж чадлаа. Гол тоглолт багийн лидер Лхагвасүрэн, Эрдэнэбаяр нарын хооронд өрнөж, туршлагатай мастер Лхагвасүрэн 3:2-оор Эрдэнэбаярыг буулган авч, нэг бүрчилсэн төрлийн рэйтингийг тэргүүлж эхлэв. 1-р тойргийн 4,5 дахь тоглолт энэ Баасан, Ням гарагт "Оч" клубт үргэлжилнэ.
Э.ОТГОО
