Европын Хөлбөмбөгийн Холбооны зэрэгцээ Европын хөлбөмбөгийн Клубуудын холбоо бий болсон нь асуудал үүсгээд байсан. Тэд тусдаа аварга шалгаруулах тэмцээн явуулах санал дэвшүүлсэн нь Европын Хөлбөмбөгийн Холбоонд хүнд цохилт болох шахсан. Тэгвэл ЕХБХ-ны ерөнхийлөгч, Словен эр Северин дундын гарцыг олсноор олонхийн дэмжлэг авч, дахин сонгогдлоо. -Европын Хөлбөмбөгийн Холбоо, Европын хөлбөмбөгийн клубуудын холбоотой гар гараа атгалцан, нягт уялдаа холбоотой ажиллаж, клубуудын аварга шалгаруулах цомын тэмцээнүүдийг шинэчлэн найруулж, шинэ шатанд гаргах болно. Клубуудын аварга шалгаруулах тэмцээн гэдэг бол Европын хөлбөмбөгийн хөгжилд гарч буй нэг дэвшил юм. 2030 оны Хөлбөмбөгийн ДАШТ-ийг Европ тивд зохион байгуулахын төлөө Европын Хөлбөмбөгийн Холбоо чадах бүхнээ хийх болно гэж төлөөлөгчдөд хандаж үг хэлэхдээ Сеферин онцоллоо.
Энэ словени эр 2016 онд анх Европын Хөлбөмбөгийн холбооны ерөнхийлөгчөөр сонгогдсон. Өмнө нь Словенийн Хөлбөмбөгийн Холбооны тэргүүнээр ажиллаж байсан намтартай. Эхнэртэй бас нохойтой.
Э.ОТГОО
