Англи улс хөлбөмбөгийг дэлхий нийтийг хамарсан маш том бизнес болгож хөгжүүлсэн орон. Английн 6 том баг бол дэлхийн хамгийн баян клубууд. Англид Лигийн тэмцээнээс гадна, Карабао цом булаалдах нэр хүндтэй тэмцээн бий. Тус тэмцээний аварга өнөөдөр тодорлоо. Финалд Челси- Манчестер Сити таарсан. Өмнө нь 6:0-ээр талбай дээрээ буулгасан тоглолтоос эрс өөр тоглолт өрнөсөн. Ялагдах л юм бол хасагдана. Нэг л тоглоно. Хариу тоглолт гэж үгүй. Энэ бол Карабао цомын тэмцээний онцлог. Яг л Монгол үндэсний бөх шиг. Нэг л таарна. Ялсан нь урагшилна. Ийм замаар явсаар Челси-Манчестер Сити хоёр дахин учирсан. Тоглолт гоолгүй өндөрлөсөн. Нэмэлт 30 минутанд ч гоол ороогүй. Ялагчийг 11 метрийн торгуулийн цохилтоор шийдсэн. Хоёр хаалгач нэг нэг цохилтыг хаасан бол Челсигийн хамгаалагч Дэвид Луйс шон луу цохисноор Манчестер Ситид боломж олгосон. Энэ боломжийг Стеерлинг харин алдалгүй гоолдсон.
Луйс хаалгачийн баруун доод буланд цохисон ч, бөмбөг шон мөргөлөө. Тэр багаа ялагдууллаа гэдэгтээ эвлэрч чадахгүй байв.
Стеерлинг харин баруун дээд өнцөгт бөмбөгийг зоож багийнхаа ялалтанд цэг хатгалаа. - Пеп Гвардиолла миний цохилтыг харж чадаагүй гэсэн. Тэгээд надаас асуусан. Яаж оруулсан бэ? гэж . Баруун дээд буланд гэж би хариулсан гэж тоглолтын төгсгөлд тэр сэтгүүлчдийн асуултанд хариулахдаа хэллээ.
