Хамгийн өндөр үнэтэй дасгалжуулагч. Түүнийхээ ч үүргийг биелүүлж буй. Өнгөрсөн улиралд Манчестер Сити багаа Английн Премьер Лигт түрүүлүүлсэн. Аваргуудын Лигийн шигшээ 16-д шалгарсан. Тэгвэл энэ улиралд эхний цомоо өргөлөө.
Одоогоор Английн Премьер Лигийн аваргын төлөө өрсөлдөөнд Ливерпүүлтэй оноо тэнцүү зуузай холбож буй. Аваргуудын Лигийн эхний 8-д шалгарах чухал хожлоо байгуулсан. Цаашаа ч явна. Английн цомын аваргын шигшээ 4-д үлдсэн. Олон талбарт багаа амжилттай удирдаж буй. - Челситэй хийсэн өнөөдрийн тоглолт маш хүнд байлаа. Өмнөхтэй ижилгүй. Асуудал торгуулийн цохилтоор шийдэгдсэн. Энд л дасгалжуулагч нар юу ч хийж чадахгүй. Хувь тоглогчдодоо л найдна. Тэдний сэтгэл зүй хэр бат бөх, ур чадвар, гүйцэтгэл хэр өндөр вэ? гэдэг л шийдэх. Манайхан арай илүү байлаа. Гол гол тоглогчид бэртэл авсанд харамсаж байна. Дараагийн тоглолтонд нөлөөлнө. Гэхдээ л ялсан сэтгэлээ нууж чадахгүй. Би баяртай байна гэж тэр хэлэв.
Н.САЙНБИЛЭГ
