Премьер Лигийг хоёр сарын өмнө 10 оноогоор тасархай тэргүүлж байсан Ливерпүүл хоёрдугаар байр луу ухарлаа. Мэргэн буучдыг 17 гоолтойгоор тэргүүлж байсан Мо.Салах ч байр сууриа МС-ийн Агуэрод алдав. Тэр энэ удаа ч хоосон буцлаа.
-Маш хэцүү тоглолт боллоо. Дэндүү зэрлэг багтай үзлээ. Та бүгд миний юу гэж хэлж буйг ойлгох биз. Би залуучуудаа буруутгах хүсэл алга. Цаг агаар тун тааруухан байлаа. Салхи зүг зүгээс хүчтэй үлээж байсан нь амжилтанд тааруухнаар нөлөөлсөн. Манай баг агаараар бөмбөг дамжуулж байсан. Бөмбөгний чиглэл, хурд алдагдаж байсан. Бидний хувьд 3-4 маш сайхан боломжийг чулуу болгож чадсангүй. Ингэж тэрбээр тоглолтыг дүгнэлээ.
Э.ОТГОО