2012 оноос Аваргуудын Лигт ноёрхож, сүүлийн 5 жилийн 4-т нь түрүүлсэн Реал Мадрид багийг тоглолтоос ийм эрт гарна гэж төсөөлсөн хүн үгүй. Тэдний учраа ч зөөлөн, Голландын Аякс баг. Цагтаа хүчирхэг байсан ч, өнөөдөр даруухан амжилт бүхий баг. Тэр тусмаа эхний тоглолтыг талбай дээр нь 2:1 -ээр хожсон учир өөрийн талбайдаа тэнцэх, бүр 0:1-ээр хожигдлоо ч дараагийн шатанд шалгарах бүрэн боломжтой байсан. Гэвч тэд талбайдаа 4 гоол алдаж, шившигтэйгээр Аваргуудын Лигийг орхилоо. Долоохон хоногийн өмнө Испанийн Сопа цомын төлөөх тэмцэлд мөнхийн өрсөлдөгч болох Барселона багт талбай дээрээ 3:0-ээр бут ниргүүлж, цомын өрсөлдөөнөөс жийгдсэн. Энэ жил Испанийн аварга болох шаансаа гээсэн. Цорын ганц цом авах найдвараа өөрсдөө гээлээ.
Аякс баг. Гуравдахь гоолоо тэмдэглэж байна. Энэ бол ялалтын гоол байлаа. Тэдний гол зэвсэг нь тэмүүлэл. Зөвхөн тоглолтоо үзүүлэх, юу чаддагаа харуулах. Тэр тусмаа эхний тоглолтонд хожигдсон Аякс багийнханд алдах зүйл үгүй байлаа. Энэ л багийг хурцалсан. Алдах зүйлгүй хүмүүс ямар аюултай байдгийг тэд энэ удаа харуулж чадлаа.