Ахмад теннисчин Жавзмаа гуай МШТХ-ны түүхт 60 жилийн ойгоор энгэр цоолж, алтан гадас одонгоор шагнууллаа. -МУИС -д олон жил ширээний теннисний дугуйланг удирдаж, хүүхэд залуусыг ширээний теннисээр хичээллэх, өсөх хөгжихөд нь үнэтэй хувь нэмэр оруулсан манай ахмад зүтгэлтнүүдийн нэг. Өөрөө тоглох, өрөөлд хичээл заахаас гадна, шүүгчийн мэргэжлийг давхар эзэмшсэн тулхтай ахмадын нэг гэж МШТХ-ны ерөнхийлөгч Галбадрах баяр хүргэж хэлсэн үгэндээ онцоллоо. Жавзмаа гуайгаар дамжуулан нийт ширээний теннисчин эмэгтэйчүүд, охид бүсгүйчүүлдээ Мартын 8-ны баярын мэндийг хамт олныхоо зүгээс дэвшүүлье.
Э.НОМИН