Бөмбөг бөөрөнхий ч, Месси бол Месси гэдгийг Барселона үзүүллээ. Тэд улам чангарч байна. Ла Лигтээ түрүүлэх нь ойлгомжтой болсон. Мөнхийн өрсөлдөгч Реал Мадрид баг нь тэднээс хол хоцорсон. Бас Аваргуудын Лигээс ч эрт хасагдсан. Харин энэ хоёр цомыг өргөх багаар хөлбөмбөгийн мэргэжилтнүүд санал нэгтэйгээр Барселона багийг нэрлэж буй. Тэд ч Дэлхийн хүчирхэг баг гэдгээ харуулж, МЮ-ыг 3:0-ээр, хоёр тоглолтын нийлбэр дүнгээр 4:0-ээр хожиж, шигшээ 4-д шалгарлаа.
Тэдний дараагийн учраа МС-Тоттенхэм хоёрын аль хожсон нь. -Тоттенхэм хожвол бидэнд тун амар байх болно. Харин Манчестер Сити гарч ирвэл бага зэрэг асуудал үүснэ. Манчестер Сити бол маш их дэвшил гаргасан баг. Дэлхийн том багуудын эгнээнд ойртсон гэж хэлж болно. Ингэж Месси тоглолтын дараах хэвлэлийн бага хурлын үеэр хэллээ.
Э.ОТГОО
