ЛИВЕРПҮҮЛ, МАНЧЕСТЕР СИТИ БАГИЙН ХЭН НЬ АВАРГА БОЛОХ ВЭ?

2019-05-11  

Энэ хариултыг бид маргааш, Ням гарагийн тоглолтын дараа мэдэх болно. Улирал дуусахад ердөө ганц тоглолт үлдсэн. Манчестер Сити ердөө л ганц оноогоор Ливерпүүлээс илүү, лигийг хошуучилж буй.

 
 

Манчестер Сити 95 оноотой, тоглолт бүрт дунджаар 2,56 гоол, Ливерпүүл 94 оноотой, 2,54 гоолыг оруулсан байна. Гоолын зөрүү ердөө 4 . Ням гарагт энэ хоёр багийн хэн нэг нь л тэнцсэн тохиолдолд нөгөө баг нь түрүүлэх боломжтой. Ийм л ширүүн өрсөлдөөн энэ хоёр багийн хооронд өрнөж байна.

 

Ливерпүүлийн хувьд өөрийн талбайдаа тоглолт хийж буй нь давуу тал. Гэхдээ өрсөлдөгч нь сул баг биш. "Чононууд" Английн топ 6 багийн шилийг даран хүснэгтийн 7-д бичигдэж буй. Тэд сүүлийн тоглолтдоо Арсеналыг 3:0-ээр бут ниргэсэн. Гэвч Барселоно багийг талбай дээрээ 4:0-ээр сөхрүүлж чадсан Ливерпүүл багийн довтолгоог Чононууд зогсоож дийлэхгүй гэж мэргэжилтнүүд үзэж байна. МС багийн тоглолтоос үл хамаарахыг хичээх тул тэдэнд хожил л хэрэгтэй. Тэд түрүүлбэл, 29 жилийн дараа Английн Премьер Лигийн цомыг дахин өргөх юм.

 
 
Манчестер Сити айлын талбайд зочилно. Тэд хожих аваас Ливерпүүлийн тоглолтын үр дүнг үл тооцон Премьер Лигт дараалан аваргалах болно.
 
 

Брайтон бол Чононуудыг бодвол зөөлөн " хоол". Тэд хүснэгтийг дороосоо 4-д " тэргүүлж" буй. 37 тоглож, тоглолт бүрт ердөө л 0,96 гоол оруулсан үзүүлэлттэй улирлыг өндөрлөж буй. Мэргэжилтнүүд МС багийг хожно гэдэгт 81 хувь итгэж буй. Гэвч бөмбөг гэдэг бөөрөнхий гэдэг. Брайтон Ливерпүүлд тус болж чадах уу? Гэдгийг маргааш үзэцгээе.

 

 

 

Э.ОТГОО

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
ТА СЭТГЭЛ ЗҮЙН ОНЛАЙН СУРГАЛТАНД ХАМРАГДАХ ХҮСЭЛТЭЙ БАЙНА УУ ?