Ливерпүүл багийн оргил тоглолтын он. Бид Английн хоёр ч цомоос мултарсан. Премьер Лигийн аваргын төлөө хамгийн сүүлчийн мөчийг хүртэл өрсөлдсөн. Аваргалахад ганцхан оноо дутсан. Тиймээс бидний бүх итгэл найдвар Аваргуудын Лигийн цомыг өргөх байсан. Хэрвээ өнгөрсөн улирал шиг мөнгөн медаль зүүгээд буцсан бол багийн уур амьсгалд хэрхэн нөлөөлөх байсныг төлөөлөхөд бэрх. Аваргуудын Лигт түрүүлж, цом өргөснөөр бид Ливерпүүл багийн шинэ эрин үеийг нээж байгаагаа мэдэрсэн. Бид хөлбөмбөгийн оргилд гарсан. Тоглолтын хувьд бид 1-р үед илүүрхсэн. Хоёрдугаар үед Тоттенхэм илүү довтолсон. Эвгүй үе үүсэж байсан. Гэхдээ ийм зүйл тохиолдоно, үүснэ гэдгийг бид эртнээс таамаглаж, түүнд бэлтгэлтэй байсан. Тиймээс ч бид ялалтаа баталгаажуулж, 2 дахь гоолыг тоглолтын төгсгөлд зоосон. Ингэж Ван Дик хэвлэлийн бага хурлын үеэр хэллээ.
Э.ОТГОО