.jpg)
Ливерпүүл 2:0-ээр хожлоо. Гэхдээ тоглолтын статистик үзүүлэлтийг харвал үүнээс арай өөр дүгнэлт хийж болно. Бид 65 хувийн давамгайлсан тоглолт үзүүлсэн. 9 удаа Ливерпүүлийн хаалганд онилсон цохилт хийсэн. Нэг цохилт шонгоос ойсон. Тоглолтын дөнгөж эхний минут, Ливерпүүлийн эхний довтолгооноос 11 метрийн торгуулийн цохилтыг манай хаалга руу шүүгч заасан. 2 дахь минутад харьцаа 1:0 болсон. Тэгсэн ч бид тоглолтоо алдаагүй. Залуус маань сайн тоглосон. Харин эцсийн дүндээ Ливерпүүл хожсоныг зөвшөөрөхөөс өөр аргагүй. Тиймээс Ливерпүүлд баяр хүргэе. Бид боломжоо алдсан. Сэтгэл үнэхээр хөндүүр байна. Өнөөдрөөс эхлээд Тоттенхэм дараа улирлын бэлтгэлдээ орж байна гэж тус багийн дасгалжуулагч Поччеттино сэтгүүлчдэд сэтгэгдлээсээ хуваалцахдаа дурдлаа.
Э.ОТГОО
