Үндэстний лигийн хагас шигшээ тоглолтонд Английн баг 3:1-ээр Голландын багт хожигдлоо. Англичууд 11 метрийн торгуулийн цохилтоор гоолын салхийг хагалж, тоглолтыг тэргүүлж эхэлсэн ч, 73 дахь минутанд гоол алдсанаар оноо тэнцэж, цаг сунгасан. Нэмэлт цагийх 97, 114 дэх минутанд Голландчууд 2 гоол оруулснаар хожиж, Португалийн багтай финалдах боллоо.
2008 онд Германы шигшээ багт 4:1-ээр хожигдсоноос хойш олон гоолын зөрүүтэй хожигдсон тоглолт боллоо гэж Английн хэвлэл бичиж байна. Ялангуяа, 2020 онд Евро-2020 болох гэж байхад Английн баг финалдаж чадаагүй нь Английн хөлбөмбөгийн ертөнцийг түгшээсэн байна.
Голландын багийн шинэ од, Аякс багийн ахлагч. Түүнийг багтаа авахын төлөө Барселона, Реал Мадрид багууд өрсөлдөж буй. Тэр өнөөдрийн баатар байв.
.jpg)
Голландын хөлбөмбөгийн сэргэн мандалтын шинэ эрин зуун эхэлж байна.Аякс баг Аваргуудын Лигт хагас шигшээд нэр төртэйгээр хасагдсан. Английн хүчирхэг багийг 3:1-ээр буулгаж авлаа. Үндэстэний Лигт бид түрүүлнэ гэдэгтээ итгэлтэй байна. Голланд залуу, авьяаслаг хөлбөгчдөөр Европ тивийг хангасан, одоо шигшээ баг маань өөрөө гарч ирэх цаг нь болсон гэж Голландын дасгалжуулагч Роналд Куеман хэллээ.
Э.ОТГОО
