Оросын баг сүүлийн 3 тоглолтонд дараалан хожиж, 9 оноо цуглуулж чадсанаар Бельгийн ард хоёрдугаар байраа хадгаллаа. -Тоглолт бүр чухал. Оноо бүр чухал. Хэсгийн хамгийн гол шийдвэрлэх тоглолт бол Бельгитэй хийх тоглолт юм. Бид хоёроор гарч, Евро-20-д оролцоно гэдэгтээ улам итгэлтэй байна. Хэсгийн гол өрсөлдөгч болсон Киприйн багийг 1:0-оор хожсондоо баяртай байна гэж багийн ахлагч Дзюба хэллээ.
Одоогоор Бельги 12 оноотой тэргүүлж, Сан Марино баг 0 оноотой сүүл мушгиж байна. Оросын хувьд Шотланд, Казахстаныг хожиж чадваас хэсгээсээ шууд шалгарах боломж байна.
Н.САЙНБИЛЭГ