"-Челси" баг одоогоор сайн тоглогчидтой. Тиймээс энэ жилдээ гаднаас тоглогч урихгүй, гэрээ хэлцэл хийхгүй. Багийн бүрэлдэхүүнд сэтгэл хангалуун. Амжилт ойрхон гэж Sky sport сэтгүүлд ярилцага өгөхдөө багийн дасгалжуулагчаар дөнгөж томилогдсон Лампард хэллээ. -Миний хувьд багийг, дээр нь нэг бүрийг сайн мэднэ. Тэдэнтэй ажиллах миний өөрийн арга барил бий. Тиймээс улирал эхлэхээс өмнө багийн тоглогчидтойгоо сайн ажиллана. Эрч хүч, хурд, тэмүүлэл дүүрэн тоглох багийг бэлдэнэ. Бөмбөгөө алдвал, аль болох түргэн булааж авах. Бөмбөг эзэмшиж буй үедээ түргэн довтолгоог хийж, гоолын боломжийг үүсгэж, хожлын нөхцөлийг бий болгох. Энэ бол миний хамгийн түрүүнд хийх, чиглүүлэх ажил. Лампард шинэ үүргээ ингэж тодорхойллоо.
Э.ОТГОО