С.ГАЛБАДРАХ: ДОЛЖИНЗУУ МОНГОЛЫН ШИРЭЭНИЙ ТЕННИСЧИДИЙН ДЭЭД АМЖИЛТЫГ ТОГТООЛОО

2019-10-04  

Индонез улсад зохиогдсон Азийн аварга шалгаруулах тэмцээнд Монголын баг тамирчид өргөн бүрэлдэхүүнтэй оролцсон. Азийн АШТ-ий шигшээ 32 тамирчинд анх удаа Монголын тамирчин шалгарсан амжилтыг үзүүллээ. Энэ бол Монголд Ширээний Теннис хөгжсөн 60 жилийн түүхэнд гаргаж буй Монголын тамирчны дээд үзүүлэлт. Энэ амжилтын эзэн нь спортын мастер Батбаярын охин Должинзуу байлаа. Нэгбүрчилсэн төрлийн шилдэг 32-т үлдээд Энэтхэгийн тамирчинтай таарсан. Энэтхэг бол теннис өндөр хөгжсөн орон. Өнгөрсөн ДАШТ-ээс Энэтхэгийн эрэгтэй, эмэгтэй аль аль баг нь "А" хэсэг буюу, Хятад, Япон, Солонгос, Герман, Швед зэргийн теннис өндөр хөгжсөн 24 улс оронтой өрсөлдөх болсон. Ийм л теннис эрч хүчтэй хөгжсөн улсын тамирчинд цөөн оноогоор ялагдсан гэж Монголын ШТХ-ны ерөнхий нарийн бичгийн дарга С.Галбадрах онцоллоо.

Батбаярын Должинзуу. Улсын АШТ-ий мөнгө, хүрэл медальтай. 2019 оны Нийслэл хотын аварга. Теннисний эрдэмд Хятадын Тяньжин хотод анхлан суралцсан. Эрдэнэт хотод өссөн, Эрдэнэт Үйлдвэрийн санхүүжилтээр Хятад улсад теннисний сургуульд шамдсан. Эрдэнэт хотын нэрийн өмнөөс тэмцээн уралдаанд оролцдог. Зүүн, баруун аль ч талаас топ спин хийж, баруун талаас хурдтай, хүчтэй довтолдог арга барилтай шилдэг тоглогчийн нэг. Сүүлийн 4 жил насанд хүрэгчдийн УАШТ-д финалдаж буй ч, аваргын тавцанд хараахан зогсож амжаагүй яваа теннисчин бүсгүй.

 

О.Гоо-Оюун

 

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
ТА СЭТГЭЛ ЗҮЙН ОНЛАЙН СУРГАЛТАНД ХАМРАГДАХ ХҮСЭЛТЭЙ БАЙНА УУ ?