Тоглолт мэргэжилтнүүдийн хэлж байснаар өндөрлөж, Ливерпүүл ээлжит 11 дэх хожлоо байгуулснаар араасаа нэхэгч Лэйстэр Сити багаас 8 оноо, өмнөх улирлын аварга Манчестер Сити-гээс 9 оноогоор тасарлаа. Ливерпүүл тоглолтын эхнээс санаачилгыг авч, дөнгөж 6 дахь минутанд хөндлөн дамжуулалтыг Фабинко хаалгачийн хажуугаар чихэж гоолын салхийг хагалсан бол түүнээс 7 минутын дараа дээгүүр дамжуулсан бөмбөгийг Салах мөргөж оруулснаар 2:0-ээр хошуучилсан. Хоёрдугаар үед ч Ливерпүүл довтолгоогоо үргэлжлүүлж 51 дэх минутанд алдарт Мане гоолдсоноор тоглолтын хувь заяа шийдэгдсэн. Английн аварга гомдлын нэг гоолыг 78 дахь минутанд шигтгэснээр фэнүүдээ бага зэрэг тайшруулсан.
Ливерпүүл Анфиелдийн талбайд 45 тоглолт дараалан хожигдоогүй рекордоо 46 болгож чадлаа. Тэрбээр Манчестер Сити багийг дараалан хожсон хожлоо нэмж, нийт 6 дараалан хожлоо.
Э.ОТГОО
