Чөлөөт бөхийн 2019 оны 23 хүртэлх насны Дэлхийн аварга шалгаруулах тэмцээн Унгарын нийслэл Будапештийн “Ludovika Arena”-д болж өндөрлөв. Чөлөөт бөхийн эмэгтэйчүүдийн төрөлд 32 орны 148 тамирчин 10 жинд өрсөлдсөнѳѳс 65 кг-ын жинд Баянхонгор аймгийн тамирчин ОУХМ Ө.Пүрэвүрэн мөнгө, 53 кг-ын жинд “Хилчин” спорт хорооны тамирчин Н.Анударь хүрэл медаль хүртэв. Монголын эмэгтэй чѳлѳѳт бөхийнхэн нэг мөнгө, нэжгээд хүрэл медаль, таван шагналт байр эзэлж, нийлбэр дүнгээрээ 71 оноо авч, багаараа зургадугаар байрт орлоо. Дээд оноог эмэгтэй чөлөөт бөхѳѳр дэлхийд ноёрхох болсон Их наран улсын бѳхчүүд 230 оноогоор тогтоолоо. Наран улсын бүсгүйчүүд 10 жинд ѳрсѳлдсѳнѳѳс долоон алт, хоёр мөнгө, нэг хүрэл хүртэж, бүгдээрээ медаль зүүсэн багаар тодорлоо. Үлдсэн гурван алтыг БНХАУ-ын Луо Ланнуан, Палиха Палиха, Кубын “шинэ од” Милиямис Марин Портриль нар хүртсэн. Багийн дүнгээр урд хөрш БНХАУ (2 алт+2 мөнгө+1 хүрэл) 105 оноогоор хоёр, Украин (+1 мөнгө+3 хүрэл) 103 оноогоор гуравдугаар байрыг эзлэв.Харин эрчүүд хос хүрэл медаль хүртэж, Монголын чѳлѳѳтийн шигшээ дэлхийд айргийн тавд эрэмблэгдлээ.
Энэ удаагийн “U-23”-ын ДАШТ-д оролцсон Монголын шигшээ багийн ДАШТ-д оролцохтой холбоо бүхий зохион байгуулалтын ажлыг МЧБХ-ны ерөнхий нарийн бичгийн дарга Б.Батбаяр, үндэсний шигшээ багийн багш нар идэвх санаачилгатай, зѳв зохион байгуулж байгуулж, тамирчдын замын зардлыг УИХ, Засгийн газрын гишүүн, УУХҮЯ-ны сайд, МЧБХ-ны ерөнхийлөгч Д. Сумьяабазар, УИХ, ЗГ-ын гишүүн, БСШУСЯ-ны сайд Ё.Баатарбилэг, гавьяат тамирчин Ц. Шаравжамц даргатай БТСГ, “Токио Олимп” сангийн захирал Ганзориг, Б. Өнөбаатар нар шийдвэрлэсэн байна.
ЭМЭГТЭЙЧҮҮДИЙН ДҮН:
50 кг (19 бөх): 1. Кика Кагата (Япон) 2. Зики Фенг (БНХАУ) 3. Надежда Соколова (ОХУ), Мари Дюфур (Канад) ...9. Цогт-Очирын Намуунцэцэг (Монгол)
53 кг (15): 1. Харүна Окүно (Япон) 2. Поожа Гехлот (Энэтхэг) 3. НАНДИНЦЭЦЭГИЙН АНУДАРЬ (МОНГОЛ), Зейнеп Йетгил (Турк)
55 кг (14): 1. Луо Ланнуан (БНХАУ) 2. Саки Игараши (Япон) 3. Андреа Ана Бетрис (Румын), Марина Седнева (Казахстан) ...13. Баяраагийн Халиунаа (Монгол)
57 кг (12): 1. Саэ Нанжо (Япон) 2. Алина Акобиа (Украин) 3. Марина Симонян (ОХУ), Ханна Тэйлор (Канад) ...7. Болдсайханы Хонгорзул (Монгол)
59 кг (19) кг: 1. Юмэка Танабе (Япон) 2. Анастасия Ничита (Молдав) 3. Грейс Кеннет (Канад), Ангелина Лысак (Украин)
62 кг (16): 1. Юзүка Инагаки (Япон) 2. Кайла Миракл (АНУ) 3. Ирина Рингач (Молдав), Илона Прокопевниук (Украин) ...15. Хүрэлхүүгийн Болортуяа (Монгол)
65 кг (12): 1. Мисүзү Ёномото (Япон) 2. ӨЛЗИЙСАЙХАНЫ ПҮРЭВСҮРЭН (МОНГОЛ) 3. Мадина Бакбергенова (Казахстан), Ирина Кольяденко (Украин)
68 кг (14): 1. Масако Фүрүичи (Япон) 2. Мэйси Килти (АНУ) 3. Наталия Стрзалка (Польш), Ван Юингин (БНХАУ) ...8. Энхсайханы Дэлгэрмаа (Монгол)
72 кг (12): 1. Милиямис Марин Портриль (Куба) 2. Ван Шиаокиан (БНХАУ) 3. Евгения Захарченко (ОХУ), Мэй Шиндо (Япон) ...7. Энх-Амарын Даваанасан (Монгол)
76 кг (15): 1. Палиха Палиха (БНХАУ) 2. Юка Кагами (Япон) 3. Хуи Ци Чан (Тайвань), Айпери Медет Кызы (Кыргызстан) ...5. Ганбатын Ариунжаргал (Монгол)
О. ГОО-ОЮУН