Английн премьер лигийн 16 дугаар тойргийн үлдсэн тоглолтууд өчигдөр орой боллоо. Энэ тойрогт хүснэгтийг тэргүүлэгч "Ливерпүүл" хожсон. Харин хүчтэй өрсөлдөгч болох ёстой "Сити" талбайдаа "Манчестер Юнайтед"-д хожигдож, шуугиан тарьсан юм. Тэднийг хожигдсон боломжийг "Лестер" ашиглаж, "Астон Вилла"-г талбайд нь 1:4-өөр буулгаж авлаа. Ингэснээр 38 оноотой болж, тэргүүлэгчээс 8 оноо алдан, хоёрдугаар байрт бичигдэж байна. Харин араасаа нэхэж байгаа "Сити"-гээс 6 оноогоор тасарлаа. Энэ удаагийн тоглолтын 20, 75 дахь минутад Варди дубль хийж, энэ улирлын премьер лигийн 16 дахь гоолоо оруулсан. Тэрбээр 16 тойрогт 16 гоол оруулсан гайхалтай амжилтыг үзүүлж байна. "Лестер"-ийн үлдсэн 2 гоолыг Ихеаначо 41, Эванс 49 дэх минутад оруулсан юм. Эзэн багийн нэр төрийн ганц гоолыг Грилиш 45 дахь минутад оруулжээ.
Т.Хуншагай