Дэлхийн допингийн эсрэг агентлаг (WADA) Оросын тамирчдыг Олимпын наадам болон бусад томоохон тэмцээн уралдаанд оролцохыг хориглоод байгаа билээ. Тэгвэл энэ шийдвэр хөлбөмбөгийн шигшээ багт хамаарах бөгөөд 2022 оны ДАШТ-д оролцох боломжгүй болж байгаа талаар BBC Sport мэдээллээ. Ирэх жилийн Европын аварга шалгаруулах тэмцээнд ОХУ-ын шигшээ баг оролцох боломжтой аж. Оросын талд ДАШТ-д оролцуулахгүй байх шийдвэрийн эсрэг давж заалдахад 21 хоног байгаа юм байна. Хэрвээ Оросын хөлбөмбөгийн тамирчид допингийн ямар нэг асуудалгүй гэдгээ нотолж чадвал Олон улсын Хөлбөмбөгийн холбооны далбаан дор өрсөлдөх боломж бий аж.
Т.Хуншагай
