Италийн "Наполи" клубыг дасгалжуулж байсан Карло Анчелотти Английн "Эвертон" багтай тохиролцоод хүрсэн гэж "Sky Sports" мэдээллээ. Тус агентлагийн мэдээлж байгаагаар Итали менежер маргааш албан ёсоор ажлаа авч, "Эвертон" түүнийг зарлах аж. Өмнө нь "Sky Sports" түүнийг хэлэлцээр хийхээр Англи руу нисэж байгаа, 2022 он хүртэл гэрээ байгуулна гэж мэдээлсэн. Тэр мэдээллээ бататгаж, тохиролцоонд хүрсэн хэмээлээ.Харин "The Telegraph" түүнийг "Эвертон"-тай уулзаагүй, тохиролцоонд хүрээгүй хэмээн мэдээлж байна. "The Athletic"-ийн сэтгүүлч Адам Крэфтон харин түүнийг Ромд байгаа, зул сарын баяраар Ванкувер руу ниснэ гэж мэдээлж буй. Чухам аль мэдээлэл нь үнэн болох нь маргааш тодорхой болно.
Т.Хуншагай
