Английн цомын аваргын хагас финалд «Манчестер Юнайтед» баг «Манчестер Сити»-хүлээн авч, Гвардиолын залуучууд ѳрсѳлдѳгчѳѳ талбай дээр нь 3:1-ээр илүүрхэн хожлоо. Эхний үед Бернарду Силва и Рияд Махрез нар гоолдож, Андреас Перейра ѳѳрийн хаалганд гоол чихсэнээр Манчестер Сити 3:0-ээр эхний үед тэргүүлсэн. Хоёрдугаар хагаст Маркус Рашфорд нэг гоол оруулж, үзэгчдээ бага зэрэг тайвшруулав. Хариу тоглолт энэ сарын 29 -нд Ситигийн талбайд үргэлжилнэ.
-Манчестер Юнайтед бол хүчирхэг баг. Хурдтай хариу довтолгоотой. Энэ удаа бид цэвэр довтлогчгүй тоглолтыг сонгосон. Гол учир нь айлын хурдан довтолгоог няцаах тактикийг баримталсан. Хожсон учраас зѳв шийдвэр гэж үзэж буй. Хожигдсон бол элдэв шүүмжилсэн, таагүй яриа ѳрнѳх л байсан байх. Ямар ч гэсэн бид зѳв тактик боловсруулсан. Түүнийгээ ч хэрэгжүүлж чадлаа гэж Пеп Гвардиолла тоглолтоо дүгнэж хэлэхдээ онцоллоо.
Английн цомын аваргын тѳлѳѳ нийтдээ 4 баг үлдсэн. Нѳгѳѳ хэсэг дэх «Лейстер сити », «Астон Вилла» багийн эхний тоглолт ѳнѳѳ үдэш эхэлнэ.
Э.ОТГОО
