Залуучуудын өвлийн олимпын III наадам Швейцар улсын Лозанн хотноо 2020 оны нэгдүгээр сарын 9-22-ны өдөр болно. Энэ удаагийн өвлийн олимпын наадамд дэлхийн 70 гаруй улсын 1800 гаруй тамирчид спортын 16 төрлөөр 81 багц медалийн төлөө хурд, хүч, ур чадвараа сорин өрсөлдөнө. "Лозанн-2020" Залуучуудын өвлийн олимпын наадамд Монгол улсаас биатлоны төрөлд Э.Энхсайхан, Ч.Бямбасүрэн нар, гүйлтийн цанын төрөлд О.Золбаяр, Б.Хонгор, Б.Номин-Эрдэнэ, Д.Урангоо нар хурд, хүч, авхаалж самбаа, тэсвэр тэвчээрээ сорих юм. "Лозанн-2020" Олимпын наадмыг нээх ёслол Улаанбаатар хотын цагаар нэгдүгээр сарын 10-ны шөнө 03:00 цагт эхлэх бөгөөд, MNB Sport HD суваг болон Olympic Channel цахим сувгаас шууд хүлээн авч үзэх боломжтой.
Э.Отгоо
