Английн Примьер лигийн 22-р тойрогт учраа таарсан Манчестер Сити болон Астон Вилла клубуудын хооронд болсон тоглолтод Манчестер Ситигийн аргентин довтлогч Серхио Агуэро хэт-трик буюу гурван гоол оруулснаар баг нь 6-1 гэсэн харьцаатай өрсөлдөгчөө буулган авсан билээ. Өдгөө 31 настай аргентин эр тус тоглолтод гурван гоол оруулснаар Английн Примьер лигт нийт 177 оруулсан үзүүлэлттэй болж, Английн дээд лигт хамгийн олон гоол оруулсан гадаад тоглогч болж байна. Түүний ард Тьерри Анри 176 гоол, Робин Ван Перси 144 гоол тус тус оруулсан үзүүлэлттэй байгаа юм.
Э.Отгоо
