“Шонхор” клуб энэ байдлыг эвдэх гэж л байгуулагдсан. Дэлхийн олон оронд клубийн системээр спортыг эрчимтэй хөгжүүлж, амжилтад хүрсэн туршлага бий. Шигшээ багийн дасгалжуулагч гэдэг нэг хүн үнэгүй хоол хүртчихээд сууж байж болохгүй, манайх шиг. Энд тэндээс гайгүй хүүхэд гараад ирэхээр нь шигшээ багт оруулах нэрээр өөр дээрээ татаж авчихдаг, бусдын хөдөлмөрийг сорчихдог систем манайд бугшсан. Дээр нь, бусад багш нарын ухаанаа зарж, сэтгэл, зүтгэлээ зориулсан тэр тамирчин нь амжилт гаргавал гавьяа шагналыг нь ганцаараа хүртчихдэг. Энэ буруу жишиг манайд тогтсон. Миний бодлоор аль клубийн тамирчид УАШТ-ээс олон медаль авч байна, тэр клубийн дасгалжуулагч нь шигшээгийн ахлах болох ёстой. Энэ л хамгийн шударга үнэлгээниы систем юм. Сүүлийн үед үүнийг ойлгох, дэмжих хандлага илэрч байгаа ч, хэрэгжүүлэх гэж маш их цаг хугацаа алдлаа. Монголын чѳлөөт бөх унасны гол шалтгаан ч энэ. Шигшээ баг байх ёстой. Шигшээ багийн дасгалжуулагчийн үндсэн үүрэг нь бусад клубэд хичээллэж, амжилт үзүүлж буй ирээдүйтэй залуусыг зөв таньж, цуглуулж, судалгаа шинжилгээ хийж чаддаг байх ёстой.
Сэтгүүлч: Б.Дагвадорж