СЕРБ ЭР НОВАК ЖОЙКОВИЧ АВСТРАЛИЙН НЭЭЛТТЭЙ ТЭМЦЭЭНД 8 ДАХЬ УДААГАА АВАРГАЛЛАА

Жойкович финалын таван сэтийн эхнийхийг 6:4-ѳѳр хожиж гараагаа сайн эхлүүлсэн ч, 2 , 3 дахь сэтэд 4:6, 2:6-аар дараалан хожигдож хүнд байдалд орсон. Гэвч дѳрѳвдѳх сэтийг хожиж тоглолтын санаачлагыг ѳѳрийн талд шилжүүлж, улмаар шовхын 5 дахь тоглолтыг хожсоноор Австралийн Их дуулгын найм дахь цомоо ѳргѳсѳн. Харин Доминик Тиемийн хувьд Их дуулгад гурван удаа финалдаж, гурвууланд нь үзүүрлэлээ.

Юуны ѳмнѳ ѳѳрийн ѳрсѳлдѳгч, Их дуулгын аварга болсон Новакад баяр хүргэе. Их дуулгад найм түрүүлнэ гэдэг бол гайхалтай амжилтын үзүүлэлт. Жойковичоос гадна Федерер, Надал нарт талархал дэвшүүлье. Та гурав бол теннисний түвшинг шинэ шатанд гаргаж чадсан, хѳгжүүлсэн хүмүүс. Энэ цаг үеийн домог болсон теннисчид. Та нартайгаа энэ цаг үед гар зѳрүүлэх боломж олдсонд би хувь заяандаа талархдаг. Ѳнѳѳдѳр ч гэсэн Жойковичтой финалдлаа. Бага зэрэг дутлаа. Зүгээр ээ. Үүнийгээ би нѳхѳж чадна гэж бодож байна. Тэмцээнийг үзэхээр зорин ирсэн хѳгжѳѳн дэмжигчдэдээ, биднийг дэмжиж ирсэн Та бүхэндээ чин сэтгэлээсээ талархал дэвшүүлье. Австрали сайхан орон юм. Хүмүүс, байгаль, ан амьтан нь гайхалтай. Түймэрт ѳртсѳн газар дэлхий нь эргэж сэргэж, хуучиндаа орно гэдэгт үнэнээсээ итгэж, хүсэж байна. Хоёр долоон хоногийн турш та бүхнийгээ дэмжлэгийг мэдрэхдээ сайхан байлаа. Дараа жилийн нээлттэй тэмцээнээр эргэн уулзацгаая. Та бүхэндээ баярлалаа гэж ДоминикТием хаалтын ажиллагааны үеэр үг хэлэхдээ онцоллоо.