Конор Мак Грегор Филлиппиний тулаанч Мэнни Пакьяотой хүч сорих ихээхэн сонирхолтой байсан. Тухайлбал UFC-246-ийн үеэр Конор Мак Грегор “Би Мэнни Пакьяотой энд, Лас Вегаст баригдсан шинэ ордонд тулалдмаар байна. Түүний эсрэг тулаан ямар байх болов оо. Энэ тулаан эргэлзээгүй миний сонирхлыг татаж байна” хэмээсэн. Тэгвэл мэргэжлийн боксын найман өөр ангиллын дэлхийн аварга болсон анхны боксчин Филлиппиний Мэнни Пакьяо “Paradigm Sports Management” спортын агентлагтай гэрээ байгуулсан байна. Уг агентлаг нь Ирланд тулаанч Конор МакГрегортой мөн хамтран ажилладаг юм. Ингэснээр хоёр тулаанчийн хооронд гал гарсан ширүүхэн өрсөлдөөн болоход нэг алхам ойртлоо.
Э.Отгоо