Солонгост олон арван мянган монголчууд амь зуулга залгуулж буй. Цѳѳн тооны оюутан сурдаг ч, 40.000 монголчууд Солонгос даяар ажилладаг гэсэн тооцоо бий. Солонгосыг зорих Монголчуудын тоо ч жилээс жилд нэмэгдэж, Солонгос руу зорчих монгол иргэдэд олгох визийн тѳлбѳрийн үнэ ч нэмэгдэж буй мэдээллийг хулгана жилийн босгон дээр ЭСЯ нь дуулгалаа. Солонгос улсад коронавирусийн халдварын тохиолдол 200-д хүрч, хоёр иргэн нас барсныг Дэлхийн Эрүүл Мэндийн байгууллагаас Женевт болсон хурлаас зарлалаа. -Ганц хүн л хайхрамжгүй байх нь хэр хортой болох жишээг коронавирусыг Солонгост дэлгэрүүлсэн жишээнээс харж болно гэж ДЭМБ-ийн тѳлѳѳлѳгч анхаарууллаа. -Сүмийн цуглаанд оролцсон халдвартай нэг иргэний нэгдүгээр хавьтагч сүмийн 1001 хүн, тэдгээрээс хоёрдугаар хавьтагч 3474, гуравдугаар хавьтагч 4860 нийтдээ 9335 хүнд нэн яаралтай шинжилгээ хийх шаардлагатай байгааг эх сурвалжууд дурдлаа. Солонгосын Засгийн газраас 2.5 сая хүн амтай Тэгү болон Чондо хотыг "тусгай бүс" -ээр зарлаад байна. Мөн Сөүл хотын төв хэсэгт олныг хамарсан үйл ажиллагаа, жагсаал цуглаан хийхийг хориглов.
Ц.ХИШГЭЭ
