Солонгосын Бусан хотноо ирэх сарын 22-29-ны ѳдрүүдэд зохиогдохоор бэлтгэж байсан багийн ширээний теннисний ДАШТ-ийг 3 сарын хугацаагаар хойшлуулах шийдвэрийг Олон улсын Ширээний Теннисний Холбооноос зарлалаа. Солонгосын Ширээний Теннисний Холбоо, Бусан хотын удирдлага, Олон улсын Ширээний Теннисний холбоо, Солонгосын Хана банкны удирдлагууд Солонгост гарсан коронавирус эрчимтэй дэгдэж буйд дүгнэлт хийж, ДАШТ-ийг 2020 оны 6-р сарын 21-28 -ныг хүртэл хойшлуулах нэгдсэн шийдвэрт хүрлээ. Тамирчид болон хѳгжѳѳн дэмжигчдийн эрүүл мэнд, аюулгүй байдлыг хангах үүднээс ДАШТ-ийг ийнхүү хойшлуулж, улмаар ажиглалтаа үргэлжлүүлнэ гэдгээ мэдэгдлээ. -Монгол улсын зүгээс тус Дэлхийн АШТ-нд Лхагвасүрэн, Билэгт, Тэмүүлэн, нарын эрэгтэй, Болор-Эрдэнэ, Ундрам, Балжинням нарын эмэгтэй тамирчид бэлтгэлээ хангаж буй. Энэхүү шийдвэрийг хүлээн авч, Бусан луу зорчих билетээ цуцлууллаа гэж МШТХ-ны ерѳнхий нарийн бичгийн дарга С.Галбадрах Control mn сайтад мэдээллээ.
Ц.ЭБЭ