Манчестер Сити багийн дасгалжуулагч Гвардиолла, Реал Мадрид багийн дасгалжуулагч Зидан нар анх удаа учраа таарч, Манчестер Сити Зиданы багийг талбай дээр нь 1:2-оор буулгалаа. -Шүүгчийн алдаа тоглолтын хувь заяаг эргүүллээ. Бид 1:0-ээр хожиж явсан. Тэрхэн алдаа бидний тоглолтыг эвдсэн. Жесус 78 дахь минутанд гоолдож, 83 дахь минутанд Бруйн торгуулийн цохилтоор харьцааг 1:2 болгосон. Улмаар 86 дахь минутанд Серхио Рамост улаан хуудас ѳгч талбайгаас хѳѳсѳн. Энэ бүхэн нь бидний ялалтыг гар дээр минь булаасантай ижил гэж Зидан тоглолтын тѳгсгѳлд дүгнэж хэллээ. -Бид ганцхан зорилготой ирсэн. Түүнийгээ биелүүллээ. Гэхдээ тайвширч болохгүй. Хариу тоглолт 14 хоногийн дараа Англид болно. Хожлоо ялалт болгож баталгаажуулах шаардлагатай. Аваргуудын Лигт сул баг таардаггүй. Аваргын цомыг ѳргѳе гэвэл Европын шилдэг баг Барселона, Байер Мюнхэн зэрэг бүх багийг ялах хэрэгтэй болно. Манчестер Сити баг үүнийг л хүсэж байна гэж Гвардиолла хэллээ
Аугаа тоглогч Зидан, аугаа дасгалжуулагч Гвардиолла нар.
-Гвардиоллаг би сайн мэднэ. Хүндэтгэдэг. Энэ бол алт шиг мэргэжилтэн. Дэлхийн хамгийн сайн дасгалжуулагчийг нэрлэ гэвэл, би эргэлзэхгүйгээр ГВАРДИОЛЛА гэж хэлнэ гэж тэрбээр тоглолтын ѳмнѳ Телеграфт ярилцлага ѳгѳхдѳѳ онцолсон.
Цэбэ
