Токио-2020 зуны олимпийн ширээний теннисний ганцаарчилсан тѳрѳлд оролцох эрэгтэй, эмэгтэй эрхийн тѳлѳѳ ѳрсѳлдѳхѳѳр Монголын Ширээний теннисчид тун удахгүй Тайландын Бангкок хотыг зорих гэж байна. - Олон улсын Ширээний Теннисний Холбооноос Зүүн ѳмнѳд Азид эрэгтэй, эмэгтэй нэг нэг эрхийг нэмж олгосон. Энэ эрхийн тѳлѳѳ Монгол, Макао, Хойд Солонгосын баг ѳрсѳлдѳнѳ. Эрх авах тэмцээний тов зарлагдсан. Ирэх сарын дундуур Тайландад болно. Монгол улс эрэгтэй, эмэгтэй шилдэг хоёр теннисчинээ илгээнэ. Эрэгтэйчүүдийн хувьд Макао, Хойд Солонгосын тамирчдыг хожих тун хүндхэн даалгавар учирсан. Хойд Солонгос хоёр эмэгтэй, нэг эрэгтэй эрхээ халаасалсан. Тиймээс эрэгтэй эрхээ гүйцээхийн тѳлѳѳ ирэх нь мадаггүй. Эмэгтэйчүүдийн хувьд Макаотой таарна. Гэхдээ Макао бол гурван жилийн ѳмнѳх Макао биш болсныг харгалзах хэрэгтэй. Холбооны зүгээс маргааш сорилт хийж, эрх авах тэмцээнд оролцох шилдэг дѳрвѳн тамирчнаа тодруулна гэж холбооны ерѳнхий нарийн бичгийн дарга С.Галбадрах Control.mn-д мэдээллээ.
Э.Цэбэ