Коронавирусийн халдвараас урьдчилан сэргийлэх ажлын хүрээнд Дундговь аймгийн Засаг даргын захирамжаар тус аймгийн нутаг дэвсгэрт энэ сарын 30-ыг дуустал архи, согтууруулах ундаа худалдах, үйлчлэхийг хориглолоо. Түүнчлэн тус аймагт орон нутгийн тээврийн хэрэгслийн хөдөлгөөнийг хянах 46 хяналтын цэгт 92 алба хаагч ажиллаж байгаа бөгөөд дээрх шийдвэрүүдийг хэрэгжүүлэх үйл ажиллагаанд гарах 13,737,700 төгрөгийн зардлыг Засаг даргын нөөц хөрөнгөөс зарцуулахаар болсон байна. Мөн Сүхбаатар аймагт 03 дугаар сарын 11-ний өдрийн захирамжаар архи согтууруулах ундаа худалдан борлуулах, түүгээр үйлчлэхийг энэ сарын 16-ныг хүртэл түр хориглосон байна.
Э.Сувдаа