Аваргуудын Лигийн Манчестер Сити-Реал Мадрид, Ювентус-Лион багийн хариу тоглолтыг тодорхой бус хугацаагаар Европын Хѳлбѳмбѳгийн Холбооноос цуцалсан. Маргааш Европын холбооны 55 гишүүн орны Хѳлбѳмбѳгийн Холбоод онлайн хурал хийх товоо зарласан. Хэлэлцэх ганцхан асуудал бий. Тэр нь, энэ улирлын Аваргууд болон Европа лигийн үлдсэн тоглолтыг хэрхэх вэ? хамтдаа хэлэлцэж эцсийн шийдвэрээ гаргах юм. Уламжлалт тэмцээнээ хугацаанд нь ѳндѳрлүүлэх нэг хувилбарыг хэлэлцэнэ. Тэр нь их болон бага шѳвгийн 8, 4 багийн тоглолтыг финалын тоглолтын ижил нэг л тоглолтоор шийдвэрлэх хувилбар юм. Үүнийг зѳвшѳѳрвѳл, алдагдсан цаг хугацааг нѳхѳж, хугацаандаа ѳндѳрлѳж болно. Намар болтол тэмцээнийг хойшлуулах бас нэг хувилбар ч бий. Гэхдээ Европын хѳлбѳмбѳгийн холбоо эхний хувилбарыг боломжийн гэж үзэж буй. Мѳн энэ онд зохиох Европын Хѳлбѳмбѳгийн АШТ-ийг ч хэрхэх тухай хэлэлцэж эцсийн шийдвэр гаргана гэж ОУХБХ-ны ерѳнхийлѳгч Инфанвино Sky спортод ярилцлага ѳглѳѳ.
Э.Цэбэ