Энэ оны долдугаар сард эхлэх Токио-2020 зуны Олимп хугацаандаа болно гэж итгэлтэй хэлж байсан Японы ерѳнхий сайд Абэ коронавируст бууж ѳгѳхдѳѳ тулжээ. Ѳнѳѳдрийг хүртэл Олимпийн наадмыг хугацаандаа зохион байгуулах болно гэсэн хатуу байр суурийг баримталж байсан ерѳнхий сайд Абэ, олимпийг зохион байгуулах хорооны дарга, Токио хотын мэр Юрико Койке нар хүчлэхээ больж, зѳѳлѳрчээ. -Япон улс Олимпийн наадам, параолимпийг ѳндѳр түвшинд зохион байгуулахыг би чин сэтгэлээсээ хүсэж байна. Та бүхнийг ч дэмжихийг хүсэж байна гэж Их-долоогийн уулзалтын удирдагчдад хандсан ч, дэмжлэг нь талаар болжээ. - Дэлхийн томоохон тэмцээн уралдаан нэг бол цуцлагдаж, үгүй бол үзэгчгүй хоосон заал танхимд болж байна. Энэ үед хэдэн арван мянган тамирчдыг нэг дор цуглуулах нь дэндүү аюултай. Тиймээс коронавирус намжтал, зуны олимпийг намар луу шилжүүлэх нь зѳв гэж бодож байна гэж АНУ-ын ерѳнхийлѳгч Доналд Трамп байр сууриа илэрхийллээ. 1944 онд, Дэлхийн хоёрдугаар дайны дараагаас хойш анх удаа Зуны Олимп цуцлагдах магадлал ѳндѳр боллоо.
Э.Сувдаа
