Дэлхийн бөхийн нэгдсэн холбоо (UWW)-ноос дэлхийн чансааг шинэчлэн гаргажээ. Чансааны “Топ-10”-т Монголын эрэгтэй хоёр, эмэгтэй гурав, нийт таван хүн багтсан байна.
-Эрэгтэйчүүдийн 57 кг-д гавьяат тамирчин Э.Бэхбаяр 18 оноогоор 10-т , 65 кг-ын жинд ОУХМ Т.Тулга 20 оноогоор 10-т,
-Эмэгтэйчүүдийн 55 кг-д ОУХМ Б.Болортуяа 23 оноогоор 7-т, 59 кг-д ОУХМ Б.Шоовдор 23 оноогоор 5-т, 68 кг-д хөдөлмөрийн баатар С.Батцэцэг 25 оноогоор 8-т бичигдэж байна.
Манай бөхчүүд энэ жилийн Азийн аварга болон дэлхийн чансааны оноо олгох тэмцээнд оролцоогүй бөгөөд өнгөрсөн жилийн Нур-Султаны дэлхийн аваргаас оноогоо цуглуулсан юм. Энэ нь Монгол бөхчүүд Дэлхийн тавцанд чансаа өндөртэй ,чадварлаг гэдгийг илтгэж буй.
Э.Отгоо