Дөрөвдүгээр сарын 6-ны өдөр авто машины ослоор нас барсан хүүхдийг цагдаагийн байгууллагад мэдэгдэлгүй нууцаар оршуулж, хэргийг нуун дарагдуулсан хэрэг Баянхонгор аймагт бүртгэгджээ.
Баянхонгор аймгийн Гурванбулаг сумын иргэн, 38 настай эмэгтэй автомашины осол гаргаж, ослын улмаас гурван настай эрэгтэй хүүхэд бэртэж, нас барсан байна. Харин тус эмэгтэй ослыг долоон хоног нуун дарагдуулж, хуулийн байгууллагад мэдэгдэлгүйгээр хүүг оршуулсан байсныг Баянхонгор аймгийн цагдаагийн газарт нөхөн шалгаж эхэлсэн байна.
Э.Сувдаа