Эмэгтэй хүнийг эхнэрээ болгохоор хөдөө сум руу хүчээр авч явсан хэрэг Увс аймагт саяхан гарлаа. Нутгийн ёс заншил нэрийдлээр хүнийг хулгайлж, амиа хорлоход хүргэсэн байна.
Тодруулбал, Увс аймгийн нэгдсэн эмнэлэгт өөрийнхөө хоолойн тус газарт гүнзгий зүссэн хүн байна гэсэн мэдээллийг цагдаагийн байгууллагад дөрөвдүгээр сарын 8-ны өдөр ирүүлжээ. Цагдаагийн байгууллагаас мэдээллийн шалгахад Увс аймгийн нэгэн сумын нутагт оршин суух хаягтай эрэгтэй 25 настай М.О нь тус аймгийн харьяат эмэгтэй 23 настай Ц.Б-г нутгийн ёс заншлын дагуу эхнэрээ болгохоор гэрээс нь дөрөвдүгээр сарын 6-ний өдөр хулгайлан авч ирсэн байна.
Харин хулгайлагдан очсон эмэгтэй чамтай суухгүй хэмээн архины шил хагалан өөрийн хоолойг зүсэж амиа хорлохыг завджээ. Уг хэргийг Увс аймгийн цагдаагийн газарт Эрүүгийн хэрэг нээн шалгаж эхэлжээ.
Э.Сувдаа