Лигийг тэргүүлж буй Ливерпуль баг Кристалл Паласыг 4:0-ээр буулган авав. 86 оноо халаасалсан Ливерпуль Премьер Лигийн аварга цомоо өргөх мөчөө л ёс төдий хүлээж байна. Түүний араас нэхэж буй Манчестер Сити баг ирэх жилийн Аваргуудын Лигт оролцох нь мөн тодорхой болсон. Харин Лэйстэр Сити(55), Челси (51), МЮ (48) Волвес (49) оноотойгоор хэн нь эхний дөрөвт шалгарч, ирэх жилийн Аваргуудын Лигт зодоглохын төлөө ширүүн өрсөлдөж байна. Аваргуудын Лигийн тоглолт өндөрлөхөд 7 өрөг үлдлээ. Тоглолт нэг ч үзэгчгүй цэнгэлдэх хүрээлэнд өрнөж байна.
Ц. БАТАА