Энэ бол ирэх улиралд Европын цомын тэмцээнд хүч үзэх Английн топ багууд. Эхний дөрөвд эрэмбэлэгдсэн Ливерпуль, Манчестер Сити, Манчестер Юнайтэд, Челси багууд Аваргуудын Лигт өрсөлдөх эрхээ халаасалсан бол, ЛэйстэрСити, Тоттенхэм багууд Европа Лигт хүч үзэх боллоо.
Лэйстэр Сити багт Аваргуудын Лигт өрсөлдөх боломж сүүлийн мөч хүртэл байсан. Тэд улирлын гараагаа тун давгүй эхлүүлж, тэргүүлэгчдийн эгнээнд жагсаж байсан ч хоёрдугаар тойрогт суусан. Сүүлийн хэдэн тоглолтын тааруухан тоглосон учир хүснэгтийн тавд бичигдсэн амжилтаар Лигийг өндөрлөлөө. Сүүлчийн тойргийн тоглолтдоо гол өрсөлдөгч Манчестер Юнайтедийг хожиж чадсан бол Аваргуудын Лигт тоглох эрхийг авах байв. Харин Манчестер Юнайтед баг тэдэнд тийм боломж олгосонгүй.
