Бид дутлаа. Тэд илүүрхлээ. Бид хүссэн тоглолтоо үзүүлж чадсангүй. Ирэх жилийг л хүлээх үлдлээ. Тэд биднээс хурдаар илүү байсан нь давуурхах гол үзүүлэлтийн нэг болсон. Бөмбөгний араас гүйхэд бид гүйцэхгүй хожигдож байв. Мөн тэд биеийн хүчээр ч ааглав. Мөрөөрөө хүчтэй түлхэж, тэнцвэр алдагдуулан, бидний тоглолтыг алдагдуулан нурааж чадаж байлаа. Цар тахлын улмаас Ла Лиг дэндүү сунжирсан нь тамирчдын бэлтгэлд ч нөлөөлсөн гэж үзлээ.
Лейпциг 50', 88' гоолдож 2:1-ээр Атлетико багийг буулган хагас шигшээд үлдсэн. 11 жилийн түүхтэй Лейпциг багийн хувьд Аваргуудын Лигийн хагас шигшээд үлдсэнээр хамгийн богино хугацаанд шигшээ дөрөвд үлдсэн шинэ амжилтыг тогтоолоо. Түүнчлэн багийн дасгалжуулагч Нагельсман ч багаа хагас шигшээд авч гарсан хамгийн залуу дасгалжуулагчийн рекордыг ч тогтоолоо. Тэрбээр 4 жилийн Хоффейнхэм багийг дасгалжуулж дасгалжуулагчийн карьераа эхлүүлсэн бөгөөд өдгөө дөнгөж 33 настай юм.
