Севильяд хожигдсоноор Европа лигээс Манчестер Юнайтед хасагдав. Тэгснээр Английн багууд Аваргуудын Лиг, Европа Лигээс бүгд мултарлаа.
Бид олдсон боломжоо ашиглаж чадаагүйн хариуг хүртсэн. Та хийхгүй бол өрсөлдөгч хийнэ гэдэг хууль үйлчилсэн. Тоглолтыг бид давамгайлсан. Хэд хэдэн гоолын боломжийг бий болгосон. Харамсалтай нь төгсгөж чадаагүй. Боломжоо алдах бүр хэцүү байдаг. Бүр гарцаагүй гоолын хийж чадаагүй тохиолдолд багийн уур амьсгалд сөргөөр нөлөөлдөг. Эсрэгээр нөгөө багт сайнаар эргэдэг. Хөлбөмбөг бол энэ юм. Ийм байдал манай багт үүссэн. Манай баг бол залуу, нийлж тоглоод дөнгөж гурван жил болж буй залуус. Алдаа оноо тэнцүү. Гэхдээ чадварлаг тоглогчид болохоо харуулсан гэж бодож байна. Мэдээж ялалт байгуулж чадаагүйдээ туйлаас харамсаж байна. Яагаад гэвэл ялах ёстой баг нь манайх байсан юм. Маш том сургамж авлаа. Айлын багийн хаалгач гайхалтай байлаа. Тэр бол багаа хожигдлоо аварсан баатар гэж нэрлэнэ. Бидний хувьд амандаа орсон шар тосыг хэлээрээ түлхчихсэн. Тун харамсалтай гэж багийн дасгалжуулагч Солкжайер Ску спортод ярилцлага өгөхдөө онцоллоо.
